E-karg eus mererezh ar gevredigezh oc’h, eus an obererezhioù, eus an diorren, hag eus ar c’hefridioù da-heul :
- Merañ an implijidi : e-karg eus gopridi ar gevredigezh, dasparzhañ al labour, gwiriekaat al labour, buheziñ ar skipailh, ha broudañ un aergelc’h labour yac’h hag efedus ;
- Merañ an arc’hant : sevel ar budjed, heuliañ an dispignoù hag ar gounidoù, sevel ar c’hontoù bloaziek, gwiriekaat pe ober war-dro ar c’hontouriezh, ar rakprizioù, ar fakturennoù, klask doareoù da arc’hantaouiñ an obererezhioù ha goulenn skoaziadoù ;
- Melestradurezh : degemer al lizhiri, an taolioù pellgomz, ar posteloù, kas anezho, ober evit ma vez meret mat ar c’hargoù melestradurel (asurañs, kenemglevioù…) ;
- Kehentiñ : sevel pe lakaat da sevel skorioù kehentiñ, dasparzhañ anezho ;
- Merañ al lec’h : lakaat kevratoù feurmiñ salioù, kenurzhiañ o implij, gwiriekaat e vez graet mat war o zro ;
- Steuñv strategel : skoazellañ ar c’huzul-merañ evit empennañ ha lakaat e-pleustr ar raktres kevredigezhel, sevel steuñvioù ober ha priziañ an disoc’hoù.
- Dileuriañ ar gevredigezh dirak ar c’hevelourien ha tud an diazaez.

Gellet a rit ivez, hervez an ezhommoù, kas kefridioù a vez fiziet dre gustum da gopridi all ar gevredigezh.
Rentañ-kont en un doare reoliek d’ar prezidant eus al labour graet, hag an diaesterioù ma ‘z eus bet, ha dreiñ da c’houzout al labour raktreset.

Doare den

Mestroniañ ar brezhoneg (live B2)
Anavezout ar gallaoueg (degemeret mat)
Anavezout ar bed kevredigezhel, an diorren sevenadurel breizhek
Anavezout ar reolennoù kontouriezh ha gouzout mestroniañ ur budjed.
Barrek da sevel kinnigoù raktresoù sevenadurel
Skiant prenet damheñvel
Mestroniañ ar stlenneg (meziantoù melestradurel, kontouriezh, grafouriezh)
Mestroniañ arzoù all (kan, dañs pe tachennoù)
Bezañ en e/he vleud gant ar re all ha barrek evit buheziñ
Bezañ emrenn ha gouest da sevel kinnigoù
Barrek da rentañ-kont ha da embann ar pezh zo raktreset

Titouroù war ar post

Gopr

Strollad E Feuriader 325 ECLAT

Doare kevrat

Kevrat didermen he fad

Amzer labour

Leunamzer

Evezhiadenn

https://tiarvro-bro-gwened.bzh/news_bretagne/kinnig-labour-offre-demploi/

Darempred

Emglev Bro Gwened

3 straed al lezenn

56000 Gwened

contact@tiarvro-bro-gwened.bzh

06.76.14.88.91