Kinnigoù heñvel
Kargad·ez diorren
Kevredigezh .bzh
Kemper (29)
Rejoignez l'aventure .bzh ! Le registre de l'extension internet bretonne recherche son/sa chargé·e de développement pour optimiser sa croissance, dynamiser sa communauté et renforcer la visibilité en ligne de la Bretagne et ses acteurs régionaux.
17/09/2024
Kargad·ez a c'hehentiñ
Bretagne Culture Diversité
An Oriant (56)
Emañ ar gevredigezh Bretagne Culture Diversité o tuta ur gargadez/c'hargad a c'hehentiñ ha produiñ divyezhek, a-benn an 02/09.
12/06/2024
Skoazeller·ez war ar produiñ hag ar skignañ
Teatr Piba
Brest (29)
Emañ an Teatr Piba o tuta ur skoazeller·ez war ar produiñ hag ar skignañ divyezhek, a-benn miz Gwengolo 2024.
04/06/2024
Kargad·ez a gehentiñ - kevrat verrbad leun amzer (liammet ouzh un ehan mammelezh)
| Deiziad embann | 26/04/2024 |
| Deiziad evit lakaat e anv | 10/05/2024 |
| Deiziad kregiñ | diouzhtu |
Emaomp o klask war-lerc’h un den a vefe dibres kerkent evit erlec'hiañ ur c’hopradez e-pad un ehan mammelezh. Ur rouedad skolioù kevredigezhel, laik, digoust ha digor d’an holl ez eo Diwan. Hiziv an deiz ez eo ar sistem kelenn nemetañ a ginnig deskiñ brezhoneg er skol dre soubidigezh. Krouet e 1977 ez eus 4014 bugel skoliataet bremañ e 46 skol, 6 skolaj ha 2 lise, staliet war 5 departamant Breizh.
Deskrivadur ar post
Kefridioù
Staliet e servijoù ar rouedad e Landerne kentoc’h, e kenlabouroc’h gant ar renerezh ha burev ar c'huzul-merañ evit :
- Merañ lec’hienn internet hag intranet Diwan : produiñ ha freskaat danvez, talvoudekaat an danvez a zo, lizher kelaouiñ, renabl pennadoù keleier, kinnigoù labour, skignañ teuliadoù ha kement ‘zo ;
- Ober war-dro ha buheziñ ar rouedadoù sokial ;
- Skoazellañ tud ar vugale, ar renerien·ezed hag ar sekretourien·ezed d'ober gant modul enskrivañ ar vugale enlinenn, ha merañ an ostilh ;
- Harpañ evit an darempredoù gant ar c'hazetennoù (skrivañ kemennadennoù hag aozañ emvodoù kelaouiñ) hag aozañ emgavioù ar rouedad.
Afer ‘zo bezañ dibres diouzh noz pe d'ar Sadorn bep an amzer.
Doare den
Evit tapout ar post e vefe mat…
Ho pefe graet ur stummadur meur goude ar vachelouriezh ha bezañ studiet ar c’helaouiñ hag ho pefe 2 vloaz skiant-prenet vicherel da nebeutañ.
Evel-just eo ret deoc’h mestroniañ ar brezhoneg kenkoulz dre skrid ha dre gomz evit bezañ dibabet (live C1).
Youlek, emren ha gouest da gaout darempredoù ha da skrivañ gant aezamant, e vioc’h en ho pleud gant implij ar rouedadoù sokial ha sevel kemennadennoù d’ar gazetennerien ha d’ar c’hazetennerezed.
Titouroù war ar post
Doare kevrat
Kevrat termenet he fad
Amzer labour
Leunamzer
Darempred
Diwan
Z.A sant-Ernel
29800 Landerne
tuta@diwan.bzh0298213369