Ya d'ar brezhoneg 27/01/2017
Dirak an it. Lena Louarn, besprezidantez ar C’huzul-rannvro karget eus yezhoù Breizh ha prezidantez OPAB, an it. Solange Creignou, besprezidantez Kuzul-departamant Penn-ar-Bed dileuriet evit ar brezhoneg, an it. Isabelle ar Bal, eilmaerez 1añ Kemper hag an ao. Jean-Luc Bleunven, kannad eus Penn-ar-Bed, eo bet sinet an emglev Ya d’ar brezhoneg gant an ao. Mathieu Gallou, prezidant ar skol-veur.
En e brezegenn en deus lavaret an ao. Mathieu Gallou e oa an niver a studierien bet skoliataet en hentadoù divyezhek o kreskiñ hag e oa ret d’ar Skol-veur bastañ da ezhommoù ar re yaouank divyezhek en ur ziorren ar c’helenn e brezhoneg.
7 ober a bouez a vo kaset da benn dindan an daou vloaz a zeu. Kroget e vo gant adober ar panellerezh diavaez ha diabarzh evit ma vefe divyezhek penn-da-benn ; un enklask a vo graet e-touez ar studieren da zastum o soñj diwar-benn ar brezhoneg ; unvezioù kelenn frank a vo kinniget dezho ; er Redadeg e kemero perzh ar Skol-veur ; kartennoù hetoù ha bizit a vo savet gant ar servij kehentiñ ; hag e vo kaset un enklask da benn e-touez an implijidi da c’houzout petra emaint o c’hortoz evit a sell ouzh ar stummadurioù war ar brezhoneg.
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
An evezhiadennoù0