Kinnigoù heñvel
Rener·ez – Lise Diwan Karaez
Diwan
Karaez-Plougêr (29)
Emañ Diwan o klask ar rener·ez evit al Lise Diwan Karaez. Ul lec’h n’eus ket e bar evit a sell ouzh diorren ar brezhoneg. Pa ranker plediñ gant al labour melestradurel rik, e vezer e kreiz ar jeu ivez evit kemer e lod e raktres kaer ul lise e brezhoneg penn-da-benn eus an eilvet klas d’ar c’hlas termen ! Ouzhpenn da-se ez eus bet digoret un hentenn micherelaat BVTK (Buheziñ evit ar Vugale hag an Dud Kozh) da geñver distro skol 2024.
19/11/2024
Pennkontouriezh ha mererezh melestradurel + gwazour melestradurezh ar c’hreizennoù stummañ
Mervent
Ploneour-Lanwern (29)
Emañ MERVENT, aozadur hag a gelenn brezhoneg e Bro Gerne, o tuta ur c’henlabourer/ ur genlabourerez evit ur post-labour daou gefridi ennañ : pennkontouriezh ha mererezh melestradurel, gwazour melestradurezh ar c’hreizennoù stummañ
30/10/2024
Kargad·ez a gefridi sevenadur
Bro Kornog Kreiz-Breizh
Rostrenn (22)
Emañ Bro Kornog Kreiz-Breizh o tuta ur c'hargad/gargadez a gefridi sevenadur divyezhek. Digor d'an dud kevratet.
29/10/2024
Rener·ez
Landerne (29)
| Deiziad embann | 25/07/2024 |
| Deiziad evit lakaat e anv | 08/09/2024 |
| Deiziad kregiñ | diouzhtu |
Emañ Diwan o klask ur rener·ez nevez evit e rouedad skolioù kevredigezhel, laik, digoust ha digor d’an holl. Krouet ouzhpenn 45 vloaz zo ez eo an hentenn nemeti o kinnig ar c’helenn brezhoneg dre soubidigezh. Bez ‘ ez eus bremañ e Diwan 4014 skoliad·ez war 46 skol, 6 skolaj ha 2 lise, 187 goprad·ez implijet gant ar rouedad Diwan ha 180 goprad·ez implijet gant ar skolioù/skolajoù/liseoù. Talvoudegezhioù pennañ Diwan eo treuzkas ha diorren ar brezhoneg er c’helenn. Prest oc’h da gemer perzh er raktres-mañ ? Deuit da labourat ganeomp eta !
Deskrivadur ar post
Kefridioù
Kendivizer pennañ izili burev ha kuzul merañ ar gevredigezh oc’h ha termeniñ a reoc’h asambles ganto ar raktresoù hag ar palioù evit diorren ha frammañ ar gevredigezh.
E karg eus renerezh ar gevredigezh e labouroc’h war sujedoù pinvidik ha liesseurt a c’houlenno diganeoc’h bezañ gouest da rakwelout, dielfenniñ, krouiñ ha bezañ efedus evit kavout diskoulmoù.
Dre ma ‘z emaoc’h e darempred gant dilennidi hag gopridi ar gevredigezh e voc’h e karg da lakaat e pleustr ha priziañ ar palioù termenet asambles gant atebeien ar c’hopridi ha re an ud a-youl vat. Eus Landerne e kasoc’h war-raok obererezhioù ar servijoù bodet enno ar renerezh pedagogiezh (kentañ hag eil derez), ar servijoù kontouriezh ha koskor mui ar pol « buhez ar gevredigezh » ha kehentiñ.
E karg e voc’h ivez da zileuriañ ar gevredigezh dirak un nebeud kendivizerien·ezed (dilennidi, rektordi, kevredigezhioù all ha kement a zo…), war danvezioù teknik pe bolitikel.
Doare den
Boaz oc’h da verañ skipailhoù ha kas war-raok ur rouedad gant ur c’huzul merañ, ur skiant-prenet splann war ur post rener·ez ha gouiziek war mont en-dro an Deskadurezh Stad, an deskadurezh poblek hag ar bed kevredigezhel.
En ho aes evit daremprediñ kenkoulz dre gomz ha dre skrid. Kement e brezhoneg hag e galleg a vefe deuet mat. Ma ne gomzit ket brezhoneg e tiskouezoc’h ho c’hoant d’en em stummañ. Gouiziek-mat oc’h ivez evit merañ an arc’hant ha gouest oc’h da verañ ur budjed ha derc’hel anezhañ kempouez.
Efedus evit aozañ ho labour e ouezit termeniñ ar priorelezhioù ha bezañ gouest da verañ meur a deuliad war un dro.
Titouroù war ar post
Gopr
40000 - 45000€
Doare kevrat
Kevrat didermen he fad
Amzer labour
Leunamzer
Evezhiadenn
Gwarez yec’hed, ragevezh, 6 sizhunvezh koñjeoù paeet
Darempred
Diwan
Z.A sant-Ernel
29800 Landerne
tuta@diwan.bzh0298213369