Abaoe kreiz ar bloavezhioù 2000 e vez muioc'h-mui a vrezhoneg el lec'hioù ma vez degemeret bugaligoù. Labourat a ra an OPAB war an dachenn strategel-mañ ivez da-geñver ar gefridi fiziet ennañ evit diorren implij ar brezhoneg.
Kartenn lec'hioù degemer ar vugaligoù
Ul liamm start etre ho pugale ha c'hwi
Ha pa ne ouifec’h ket c’hwi ar yezh, e c'hallit dibab evit ho pugale lec’hioù a raio war o zro e brezhoneg ha kement-se a-raok ma’z afent d’ar skol. Dre-se e teuio ho pugale da vezañ divyezhek brezhoneg-galleg diouzhtu.
Ma komzit brezhoneg er gêr dija e c'hallit fiziout ho pugale en ur vagouri pe ur skoazellerez-vamm vrezhonek evit ma vo komzet outo en o yezh-vamm.
Da gaout muioc’h a ditouroù e c’hellit mont e darempred gant an OPAB.
Dafar
Sturlevrioù :
__________
Digeriñ un TSM _________________ Digeriñ un LBD
Setu un dibab levrioù mat evit ar re vihanañ (0-3 bloaz) evit kreñvaat al liamm gant ar yezh : Levrioù evit ar vugale 0-3 bloaz.
"Karta vroadel degemer ar vugale yaouank" e stumm skritell e brezhoneg evit lec'hioù a vez degemeret bugaligoù enno : pellgargañ ar skritell.
Ur gennad a grou implijoù
Ur gennad eus ar re bouezusañ eo hini ar vugaligoù evit a sell ouzh reiñ implijoù d'ar vrezhonegerien. Gant ar stummadurioù hir e-pad 6 pe 9 miz war ar brezhoneg e c'hallot deskiñ ar yezh ha diwar se tapout barregezhioù micherel ouzhpenn.
Sikour da vont gant ur stummadur
Al lec’hioù degemer stroll evit ar vugaligoù, staliet e Penn-ar-Bed, hag o deus ur statud kevredigezhel, publik pe gant un dileuriezh a servij publik, a c’hall tennañ gounid eus ur skoazell a 7000 euro lakaet e plas gant Kuzul-departamant Penn-ar-Bed evit stummañ d’ar brezhoneg an implijidi pe ar wazourien. Gant ar skoazell DESK-Bugaligoù e c’hell bezañ klokaet ar stignad-mañ.
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
