Ar yezhoù n'int ket skornet anezho. Emdreiñ a reont hag en em vagañ diwar gement tra a zo en-dro dezho.
Un dra ret evit kement yezh vev zo
Ar brezhoneg zo ur yezh eus Europa hag a vev en un endro kevredigezhel diorroet mat. Pa vank gerioù dezhañ evit ober anv eus an dra-mañ-tra e teu da vezañ breskoc'h, koll a ra lañs ha diwar se e rank strivañ evit emdreiñ ha mont diouzh an amzer a vremañ. Penaos ezteuler soñjoù, talvoudoù pe anaoudegezhioù ha skiant-prenet tra ken, paneve dre ur yezh voutin ? Ha penaos deskiñ un ouiziegezh da dud all ma ne vez ket eus ar gerioù ret evit se ?
Un argerzh dibaouez
E lodenn gentañ an XXvet kantved e veze savet gerioù nevez gant an dud en un doare naturel. E-giz-se ez eus bet roet pep a anv resis d'an holl vekanikoù a veze implijet el labour-douar d'ar mare-se. Met eus un tu, peogwir ne vez ket krouet nemeur a c'herioù ken en un doare naturel abalamour ma'z eo aet plas ar brezhoneg war zigreskiñ er gevredigezh, hag eus an tu all pa ya emdroadur an teknikoù war vuanaat bepred, eo ret ober gant doareoù nevez abalamour d'ar brezhoneg da c'hallout chom ha/pe dont da vezañ adarre ur yezh daremprediñ sokial.
Bastañ a ra TermBret d'an ezhomm-se gant ul labour enklask a-fet termenadurezh ha skoueriekaat korpus ar yezh.
TermOfis, an diaz roadennoù termenadurel publik
En diaz ez eus 90129 termen ha setu ur skouer anezhañ :
onctueux : dienn
Goulenn ouzhpennañ e diaz TermOfis
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
