Stummadur 09/02/2017
Mervent, kreizenn stummañ war ar brezhoneg e Bro Gerne, hag ar CLPS, kreizenn stummañ micherel ha skoazellañ, o deus savet ur c’helc’hiad-studioù divyezhek : teknikel ha yezhel.
Kas a raio ar stummadur-se war-zu ar micherioù d’ober war-dro ar vugale e brezhoneg. Daou ziplom : an TGM Bugaligoù (Testeni Gouested Vicherel) hag an Diplom Barregezh war ar Yezh a vo o reiñ talvoudegezh d’ar stummadur.
Gant ar stummadur-se, kinniget dreist-holl d’an dud dilabour (stignad dibar evit kemer an dud e karg), e vo degaset d’an danvez tud a-vicher ar varregezh war ar yezh koulz hag ar michererezh ret evit gellout labourat en ur bed a zo o kreskiñ buan.
Rak war gresk ez a an ezhommoù tud d’ober war-dro ar vugale vihan pe e vefe e skolioù-mamm an tri hentad divyezhek evit ar postoù GWATASMed (GWAzour Tiriadel Arbennik ar Skolioù-Mamm) pe GWAASM (GWazour Arbennik Ar Skolioù-Mamm) hag el lec’hioù ma vez degemeret bugale vihan : magourioù, TSMoù (Tier Skoazellerezed-Mamm) hag ESMoù (Erlec'h Skoazellerezh-Mamm).
Evit gouzout hiroc’h hag en em enskrivañ, mont e darempred gant ar CLPS e Kemper : 02 98 10 11 49
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
An evezhiadennoù0