Levrioù embannet e 2024
Servij Treiñ-Aliañ an OPAB 02/12/2024
Gant Rannvro Breizh e vez arc’hantaouet ar programm treiñ lennegel.
Ur programm hag a zo daou bal dezhañ : skoazellañ an droourien da lakaat en hor yezh oberennoù tennet eus glad bedel al lennegezh ha ledanaat ar c’hinnig lennegel e brezhoneg.
Karget eo bet an OPAB da ginnig ur roll oberennoù da vezañ skoazellet ha da reiñ un ali war galite an troidigezhioù kinniget. Tu a ro ar stignad-mañ d'al lennerien vrezhonek, ar re yaouank peurgetket, da c’hallout ober anaoudegezh gant lennegezh ar bed-holl war-eeun dre ar brezhoneg.
Troet hag embannet ez eus bet 50 levr, diwar 8 yezh disheñvel skrivet gant 42 skrivagner abaoe deroù ar stignad e 2014. Gras d’ar skoazell-se e c’hall ar vrezhonegerien ha brezhonegerezed lenn en o yezh oberennoù skrivet gant skrivagner·ien·ezed anavezet evel Margaret Atwood, Italo Calvino, Gabriel García Márquez, George Orwell, J.M.G. Le Clézio, Toni Morrison, JK Rowling, Stefan Zweig...
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
