Kampoù vakañsoù 27/03/2025
Brudañ a ra ar rouedad kevredigezhioù UBAPAR (Unvaniezh Breizh buheziñ ar broioù diwar ar maez) ar chomadennoù vakañsiñ e brezhoneg bep bloaz.
D'ar 25 a viz Meurzh e oa bodet e sez an OPAB e Karaez an ao. Paskall Le Doeuff, rener an UBAPAR, an it. Riwanon An Habask, dileuriadez rannvroel, an it. Awena Le Baron Courtet, e karg eus an dudi brezhonek en UPABAR, an it. Caroline Andrieu, renerez an degemer dudi e brezhoneg e CLAJ Karaez, an ao. Stéphane Merrer, rener Ti Menez Are, an ao. Fulup Jakez, rener an OPAB hag an ao. Talwyn Baudu, kagad diorren an OPAB.
Pal ar c'hampoù vakañsoù e brezhoneg eo :
- - Bevañ e brezhoneg er maez eus ar skol
- - Diorren barregezhioù yezh ar vugale
- - Krouiñ darempredoù mignoniaj nevez e brezhoneg, gant bugale eus Breizh a-bezh
- - Broudañ emrenerezh ar vugale
- - Sevel ur spered buhez a-stroll
Un nebeud sifroù :
- 12 aozer kampoù vakañsoù ha 3 aozer kreizennoù dudi e 2025
- 30 kamp e miz Gouere hag e miz Eost 2025 hag unan e miz Here
- 840 bugel zo bet o vakañsiñ e brezhoneg e 2024
- 12 000 plegfollenn ha 2 seurt skritelloù dasparzhet en hentadoù divyezhek
- Temoù a bep seurt, kampoù evit ar vugale (6-12 vloaz) hag ar grennarded (12-17 vloaz) brezhoneger
> Abaoe ar 17 a viz Meurzh eo digoret an enskrivadurioù el lec'hienn www.vakansou-otieus.bzh
Pellgargit roll an holl gampoù vakañsoù !
Dafar kehentiñ el lec'hienn > "korn ar mediaoù"