Ur C'huzul skiantel a ya en-dro e diabarzh Ofis publik ar brezhoneg. 11 den anavezet evit o enklaskoù pe o barregezh war tachenn pe dachenn a ya d'ober ar c'huzul-se.
Taolenn
Kadoriad
Ar c'helenner Francis Favereau eo zo bet dilennet da Gadoriad kentañ Kuzul skiantel an Ofis publik.
F.Favereau, Kadoriad Kuzul-skiantel an OPAB.
Izili
Anvet eo bet an izili evit tri bloaz dre un divizadeg a-berzh Kuzul-merañ an Ofis publik. Setu ar roll anezho :
- Francis Favereau - Kadoriad ar C'huzul
- Mich Beyer
- Herve Bihan
- Jañ-Mai Drapier
- Yann-Fulub Dupuy
- Erwan Hupel
- Mélanie Jouitteau
- Lukian Kergoat
- Olier ar Mogn
- Serj Richard
- Herve Seubil Kernaudour
Roll
Ambroug a ra ar C'huzul skiantel an Ofis publik en e labourioù yezh. Kemer a ra perzh enno. Kuzuliañ a ra gwazourien an OPAB, war dachenn an dermenadurezh hag al lec'hanvadurezh peurgetket. Embann a ra alioù diwar-benn poentoù yezh zo pa vez goulennet kuzul digant an Ofis publik gant frammoù diavaez. Labourat a ra ar C'huzul skiantel evit ma kendalc'hfe ar brezhoneg da emdreiñ asambles gant ar gevredigezh a ra gantañ.
Divizoù hag erbedadennoù
An divizoù hag an erbedadennoù a-berzh ar C'huzul skiantel a sell ouzh kempenn korpus ar yezh (geriaduriñ, termenaduriñ) pe reolenniñ stumm an anvioù divoutin (anvioù-familh brezhonek, anvioù-lec'h brezhonek hag estren), a vez ebarzhet war-eeun en diaz roadennoù savet evit se (KerOfis, TermOfis ha Meurgorf).
Amañ e vo kavet erbedadennoù ar c'huzul skiantel evit ar skritur enlaka.
Evit ar pezh a sell ouzh an erbedadennoù all, diwar-benn ar reizhskrivañ, ar stil pe an dipografriezh, gallout a reer kavout anezho amañ.
Heuilhit ac'hanomp war
- Degemer
- |
- Steuñvenn al lec'hienn
- |
- Darempredoù
- |
- Kredadoù
- |
- Menegoù lezennel
- |
- Sevenidigezh :
